அந்த கேரக்டரில் எனது காதல் நெருப்பு போன்றது நடிகர் விக்ரம்

தமிழ் சினிமாவின் முன்னணி நட்சத்திரங்களின் நடிப்பில் உருவாகியிருக்கும் பொன்னியின் செல்வன் திரைப்படம் இன்று உலகமெங்கும் வெளியாகியுள்ளது. முன்னதாக நேற்று பொன்னியின் செல்வன் படக்குழுவினர் நிருபர்களை சந்தித்தனர். அப்போது ஆதித்த கரிகாலன் கதாபாத்திரத்தில் நடித்த விக்ரம் கூறியதாவது, ’இந்தியா முழுவதும் நிறைய வரலாற்று கதைகள் இருக்கிறது, இது போன்ற கதைகளில் நான் நடிக்க மாட்டேனா என்ற கனவுகளும் இருந்தது. எனக்கு பிடித்த ஆதித்த கரிகாலன் கதாபாத்திரம் அமைந்தது மிகவும் மகிழ்ச்சியாக உள்ளது. ஆதித்த கரிகாலனின் காதல் எனக்குள் நெருப்பாக எரிந்து கொண்டிருக்கிறது. அவனுடைய காதலுக்காக அவன் என்ன வேண்டுமானாலும் செய்வான். அதை உணர்ந்துதான் நான் நடித்தேன். பொன்னியின் செல்வனில் இது சிறந்த காதல் காவியமாக அமையும்’ என கூறினார்.